الشاعر حاتم السمان رفاعى
من أصحاب المنتدي
عدد المساهمات : 62 تاريخ التسجيل : 31/07/2011
| موضوع: سؤال .. ومسأله !! حاتم السمان الأحد يوليو 31, 2011 2:44 am | |
| وسط أنين المواجع .. تاهت بينا الحقيقة .. وكلام كتير ما بينا .. صحى همومنا الغريقة .. جناين البلاد .. طرحت هم ونكد .. واتقسموا العباد .. على يجيى ( ميت ) بلد .. خمسين دراويش بسبحه .. وخمسين قالوا .. مدد !! * * * نسيوا انهم رُفاقه .. وسط درب الآلم .. وكانهم فى غابه .. رافعين ( 200 ) علم .. ولا حد فـ يوم نجدهم .. أو حل المسأله ..!! * * * طاب ليه نسيتوا أخوكم .. مين غيركو هينجدو ..؟ سيبينه يبكى وانتوا .. جايين تعددوا..! لموا بعضيكوا لجلن .. تحلوا المسأله ..!! * * * بلاش ترفع فـ صوتك .. وتعاير ابن عمك .. دا العار لو طاله مره .. بيسرى فـ وسط دمك ..!! وكلامك كله ضدك .. ياشماتت العدو .. لما يعرف كلامكو .. عقّد فى المسأله ..! * * * طول عمرى باقول عليكم .. إنتم ضل الهوا .. وكمان باقول كلامكم .. نعوذ بعديه دوا ..!! وبرضه باقول وعودكم .. زى حرارة الشتا .. ولما الليل يليل .. تعود المسأله ..!! * * * بتعقد ليه يا صاحبى .. وتلعبك فى القضيه .. دا الحل بعيد وبرضه .. والأزمه هيه هيه ..!! وحلولها معانا لكن .. الظاهر متداريه .. يا عقولنا احنا اللى بايظه .. يا عقولهم الغبية ..!! وكل ما دا برضه .. نحتار فى المسأله ..! * * * فى البحر اوعاك لتغرق .. علم مخك يعوم .. دا الدنيا يا صاحبى ضلمه .. فى الصبح ما فيش نجوم .. أعداءك همَّ همَّ ..!! واخواتك بين إيديك .. لكن لو مره ضاعوا .. هتذيد المسأله ..!! انتهت | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: سؤال .. ومسأله !! حاتم السمان الأحد يوليو 31, 2011 3:10 am | |
| بصراحه استاذ حاتم
نصوصك كلها اروع من بعضها
والحقيقه فى هذا النص تحديدا
ملم بكل مايحدث واحداث الساعه
وتمكنت من المعالجه والنصيحه بالدليل والاقناع
تحيتى وتقديرى لحرفك الذهبى
دمت بحب
[b] | |
|
اسلام سيد
عدد المساهمات : 17 تاريخ التسجيل : 30/07/2011 العمر : 30
| موضوع: رد: سؤال .. ومسأله !! حاتم السمان الأحد يوليو 31, 2011 1:16 pm | |
| الشاعر الكبير "حاتم" تحياتي العطره لقلمك المبدع نصوصك غاية من الجمال وكل ما اردت ان تبوح به قد وصل لنا بأسلوبك الرائع تحياتي لقلمك واسلوبك تقبل مروري البسيط | |
|