سلامتك ياريس ... حاتم السمان

بتصعب علينا لكن مش بجد
وتعبك
دا طبعا
دا مش زى حد
لانك بتتعب
عشان كل حاجه
معاك
مش بتاعتك
بتاعت البلد
** **
بتصعب علينا كلام فـ كلام
لانك
محسيتش غير
بالنظام
وشعبك
فى داهيه
ويولع بغاز
وياما المشايخ
قالولك حرام
** **
بتصعب علينا
دا مين اللى قال
ومستشفياتنا
بترمى العيال
مفيش اى واحد بياخد
علاجه
عشان عيانينا
مرضهم جمال
** **
سلامتك ياريس
سلامة فلوسك
سلامة ولادك سلامة عروسك
سلامة نظيفك
سلامة شريفك
وعزك ياريس
وفاهم دروسك
هنعمل معاهم
حوار مش جرىء
ونمشى معاهم لاول طريق
ياسيد جمالهم فلوسك منين
جنابه قاللنا :
فلوسى فلوسى دى طبعا حلال
انا كنت فاتح
معارض بغال
وكنت اللى ابيعله اشاركه
عليها
لحد اما تكبر
واخد العيال
** **
ياعمدة بلدنا ياسيد
نضيف
فلوسك وارثها
ولا كنت ضيف
فرد بألاطه
وقال لأ ياباشا
انا كنت فاتح
مخازن فراشه
وكنت اما نبقى فى اى
اجتماع
الم فـ ايجارهم وتمن الضيافه
** **
فلوسك ياصفوت افندى
الشريف
جايبها منين قوللنا ياخفيف
بلاش تظلمونى انا مش حرامى
فلوسى
يااخوه بتاعت مدامى
بتغزل فى صوفها وتعمل
جواكت
وكنت اما ابيعها
بابيعها بكلامى
فاقبض تمنهم واخدهم هديه
لانى بصراحه
انانى وعصامى
** **
ياعز المصايب
فلوسك منين
هتكدب هنعرف
فخليك رزين
قاللنا
شطارتى
رصيدى وتجارتى
وكل المبانى بانيهابصياخى
وكل الاماكن
ايسها بمكانتى
** **
سلامتك ياريس
سلامة ودانا
كلامهم ياريس
يوضح كلامنا
فلو مش هنزعل عليك
مش خيانه
ولو انت تتعب
فمش من المنا

شاعرنا الجميل أ/حاتم
أنا برضو بحب الؤيس حتى من قبل الثوره
وكتبت فيه 50 قصيده
لحد يوم الثوره
بحبه
وحتى كنت بقول له
بحبك يا ريس وفوق كل شىء
بحبك مطاطى وواطى وبذىء
تصادق عدوى تعادى الصديق
تبرأ حرامى وتسجن برىء
-----------------------------------
شاعرنا الجميل
كلمات جميلة
حكت الواقع
تقبل تحيتى

خلا ص هانت وبكرة اولى جلسات محاكمة رؤوس الفساد

غدا وان ربك لبا لمرصاد امنياتى لك بكل

توفيق وود

مباشر من القاهرة

كنت اشوفه ع الشاشات

واقف بيدى الاوامر

بين عنيه الميكرفون

يضحك يهزر

بأحلامنا البسيطه

كان يقامر

ويقول كتير محدودى دخل

ويقول كمان الميزانيه فيها

عجز

بس مكن هنساويها
كام زيارة للخليج

كام مبادرة للسلام

كام وكم وكام
كانت جوة عينه نظرة

تتحدى كل راس
راح تفكر تقوله لا

والنهاردة ف عينه نظرة

تتمنى لو كان سمع يومها
كل اللى قاله مرة لا

» اسف ياريس ... حاتم السمان
» دين او وطن لله .. حاتم السمان
» شلة المصايب ,,, حاتم السمان
» سيبهم يتسلو ... حاتم السمان
» أول حصة فـ يوم الدم .. حاتم السمان