شلة المصايب ,,, حاتم السمان

يا شلة المصايب
منورين طره
غليتو الحبس
خالص
لما السجن افترى
مين كدوا لما لملم
كل الروس الكبار
صبحت فضايحه اكتر
م الفلم المسخره
يا شلة المصايب
رجعتونا الورا
*********
يا شلة المصايب
خربتولنا البلد
وسرقتو فلوسنا لما
اتلخبطتو فى العدد
دا بنوك سويسرا منكم
كادت لتشتكى
من كتر السرقة لقيت
رصيدكم اتحسد
يا شلة المصايب مدد مدد مدد
*********
يا شله وجمعوكم
فى مكانكم الصحيح
كنتم عايشين فى جنه
وفقيرنا ع الصفيح
خفتوش من ربنا
ولا من يوم الحساب
شفتو دعوتنا كانت
أقوى من ألف ريح
يا شله وجمعوكم
فى مكانكم الصحيح
*********
هنقسم الزنازن
حسب حجم السريقه
ونرقمكم لا يمكن
تتوهو فى الحقيقة
كبيركم يبقى مين
سرور ولا الشريف
ما جمال وعز هما
اللى فتحو الزكيبة
*********
واحد
زكريا عزمى اللى
سرق نص البلد
وعملها وسيه ليهم
ولكلٍّ مستند
مكانه مغيروشى
فى اخر الصفوف
اتاريهم لما رجعوا
بقى أول العدد
اتنين
سرور ودا كله عارفه
أبو عين متجوله
بيخلى اللأ ايوه
وفى لحظه قليله
متخصص فى الموافقه
ع السرقه وع الفساد
يملك بصراحه سمعه
سودا ومتبهدله
تلاته
احمد عز المطبل
ما دا اسمهو القديم
اللى فى بلدنا شكل
وعجن وعمل زعيم
سابوله الدنيا يلعب
براحته وبمزاجه
لما صبح مهندس
فى التخطيط العقيم
اربعه
صفوت أبو سمعه هايله
ومن اسمه هتعرفوه
عشان رقاصه ممكن
يبيع امه وأبوه
مفيهوشى شعره بيضه
يعنى أبو الشباب
بالذمة ابقو ليلا
ع الواحدة
ترقصوه
*********
خمسه
احمد نظيف منظف
الدولة ع الحديدة
ومبرمج فى الوزارة
صاحب الفكرة الجديدة
نجوع فى المواطن
ونبنجه بكلام
لا يشك فينا ولا
احنا راح ننجده
أفكاره طوووووووويله
خالص
والكل بيحسده

الله عليك ايها الزجال

لي عودة ان شاء الله

كم هى رائعة حروفك استاذ / حاتم السمان

ادام الله ابداعك وسلمت يدك

جميله حاتم
دوم فى تقدم يامبدع
علاء عبدالحق المازنى

[bس]

تسمحلى استاذ حاتم
بتثبيت هذا النصى بواسطتى
لروعته

ملحوظة : تم التثبيت بواسطتى

[/b]

اشكرك استاذ ماهر
فهذا يعد نقطه من بحركم

اخى العزيز الشاعر ناصر على اشكرك دمت لى

اشكر مرورك اخى وزميلى الصحفى علاء عبدالحق

شكرا بس فين الباقى

اوعى تقول عند عبد الباقى

فى انتظار هذه الروائع

بارك الله فيك

» دين او وطن لله .. حاتم السمان
» بحار ..! حاتم السمان
» أول حصة فـ يوم الدم .. حاتم السمان
» متكتف ...حاتم السمان
» اسف ياريس ... حاتم السمان