محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: ( عم صابر ) القصيدة الثانية فى ديوان كرابيج الخميس أكتوبر 25, 2012 10:09 pm | |
|
عمّ صابر
"صابر" راجـــــل طيّب عايش
و معاه أم ولاده" رحــــــــاب"
ست تشوفها تقول دى عجوزه
و هىَّ يا حبّة عينى شـــــــــباب
كُتر الخِلفــــــــــــــه هدّت حِيلها
عايشه حياتـــــــها شقَا وعذاب
جايبـــــــــــه من الأولاد اتناشر
سته صــــــــــبايا و سته شباب
أوضـــــه شايـــله العيله بحالها
و" صابر" شــــايل همُّه حزين
راصص كــــــــوم اللحم بتاعُه
و لا أحسن عِلـبــــــــة سردين
ع الاتناشــر شهر مــــــــراته..
تِحــــــدف عيّـــــــــِل أو بنتيـن
شوف اتناشر بُــــق يا صاحبى
بياكلوا عرق وشقــَا المسكين!
عفش الأُوضه يا دوب ما يـزيدشى
عن طبليّـه .. و كنبَـه .. و زيــــر
تنـحـَـــط الطبلــيّــــه .. يحطّـــوا
اتناشر إيد .. ولا طــير أبابيل !
المسكيـــن على بال ما يسمّى
يلقى اطباق مش عايزه غسيل
يزعـق .. جِبتُه لنفسى يا ربّى
ما كسَـبتِش غيـــر هَـدّ الحِيل!
دا.. من باب الأكــل ولـسّـــه
فين اللــبس؟ وفين تعليمهُــم؟
لو ح يـــجيب اللــبس لسِـتَّـــه
يبـــقى ضرورى ح يقـــسِّمهم
أوح يلــــبِّس ستـــَّه كــــفايه..
و الباقيين.. مش ح يلبِّــــسهم
و التعليم لسّه و مصاريــفـُــه
و ازاى بعد دا ح يجوِّزهــــم؟!
ليه يا سى صابر تتعس نفسك
و تقضــــّى حيــاتك فى عذاب؟
تنظيم الأســــره فتــــَح جنبــك
ليه ما راحِتش السِّت رحاب ؟
التوجـيه ما بـــقاش فيه فايــده
بعد ما شاب حيرُوح كُتّاب!!
اللّى يلاقى شقـــّه ل "صابر"
يكسب فى المســـكين دا ثواب
| |
|